கணனியில் மேற்கொள்ளப்​பட்ட உள்நுழைவுக​ளின் தகவல்களை பெறுவதற்கு

கணனி ஒன்றில் ஒன்றிற்கு மேற்பட்ட கணக்குகளின் உதவியுடன் உள்நுழைவுகளை மேற்கொள்ள முடியும்.
இவ்வாறு வெவ்வேறு சந்தர்ப்பங்களில் உள்நுழைந்தவர்களை உள்நுழைவுக் கணக்குகளின் அடிப்படையில் கண்டறிவதற்கு இலகுவான வழிமுறை ஒன்று உள்ளது.

இதனைச் செயற்படுத்துவதற்கு முதலில் விண்டோஸ் விசையினை அழுத்தி gpedit.msc என டைப் செய்து அதனை ஓப்பின் செய்யவும்.

தோன்றும் விண்டோவில் Local Computer Policy —> Computer Configuration —> Windows Settings —> Security Settings —> Local Policies —> Audit Policy என்ற படிமுறையினூடாகச் சென்று Audit logon events என்பதை டபுள் கிளிக் செய்யவும்.

தொடர்ந்து தோன்றும் விண்டோவில் Success, Failure ஆகிய checkbox களில் அடையாளம் இட்டு OK செய்யவும். இப்போது கணனியில் மேற்கொள்ளப்பட்ட வெற்றிகரமான உள்நுழைவுகள், தோல்வியில் முடிந்த உள்நுளைவுகள் தொடர்பான தகவல்கள் சேமிக்கப்பட்டிருக்கும்.

இத்தகவல்களை பார்ப்பதற்கு விண்டோஸ் விசையினை அழுத்தி Event Viewer என டைப் செய்து கிளிக் செய்யவும். தோன்றும் விண்டோவில் உள்ள Windows Logs —> Security என்பதை கிளிக் செய்தால் போதும் அனைத்து விதமான உள்நுழைவுத் தகவல்களும் தனித்தனியாக காண்பிக்கப்படும்.

இவற்றினை விரிவாகக் காண்பதற்கு குறித்த ஒரு உள்நுழைவுத் தகவலின் மீது டபுள் கிளிக் செய்தால் தனியான விண்டோவில் முழுத்தகவல்களையும் பெறமுடியும்.

அனைத்து தேடல்களையும் சேமித்து வைக்கும் கூகுள்

கூகுள் தேடல் சாதனம் மூலம் மேற்கொள்ளப்படும் அனைத்து தேடல்களும் இனிமேல் கூகுள் கணக்கில் சேவ் செய்து வைக்கப்படும்.

உலாவி வழியாகவும் அனைவராலும் மேற்கொள்ளப்படும் தேடல்கள் இந்த வகையில் பதியப்படுகின்றன.

இதுவரை கூகுள் சாதன தேடல்கள் அனைத்தும் குக்கீகளாக ஒருவரின் பெர்சனல் கணனியில் பதிந்து வைக்கப்பட்டிருந்தன.

இந்த குக்கீ கோப்புகளை நீங்கள் சிகிளீனர் மற்றும் பிற அது போன்ற புரோகிராம் மூலம் நீக்கும் போது, அந்த தேடல்கள் கிடைக்காது.

ஏற்கனவே தேடப்பட்ட தேடல்கள் வேண்டும் எனில், இதற்கென கூகுள் செட்டிங்ஸ் பகுதியில் மாற்றங்களை மேற்கொள்ள வேண்டும்.

அதே கணனியில் வேறு ஒரு உலாவியில் தேடல்களை மேற்கொள்கையில் கூட, இவை கிடைக்காது. அப்படி கிடைக்கும் வகையில் செட்டிங்ஸில் மாற்றங்ளை மேற்கொள்ள வேண்டும். இந்த பிரச்னை இனி இருக்காது.

கூகுள் சென்ற வாரம் வெளியிட்ட அறிவிப்பின்படி, நம் தேடல்கள் அனைத்தும் நம் கூகுள் கணக்கில் சேவ் செய்யப்பட்டு, நமக்கு மீண்டும் மீண்டும் கிடைக்கின்றன.

ஒவ்வொரு முறையும் லொகின் செய்து, நாம் கூகுள் தேடல்களை மேற்கொள்கையில் தேடல்கள் அனைத்தும் கணக்கில் சேவ் செய்யப்படுகின்றன.

இவை அடுத்த முறை வேறு ஒரு உலாவி வழியாக தேடல்கள் மேற்கொள்ளப்பட்டாலும், அப்போதும் அவை கணக்கில் சேவ் செய்யப்பட்டதிலிருந்து கிடைக்கின்றன.

லொகின் செய்யப்படாமல் தேடல்களை மேற்கொண்டாலும் இவை கிடைக்கும். https://www.google.com/preferences என்ற முகவரியில் உள்ள தளத்திலிருந்து இவை கிடைக்கும். இந்த தளத்தில் Safe Search filter மாற்றலாம்.

ஒரு பக்கத்தில் எத்தனை முடிவுகள் காட்டப்பட வேண்டும் என்பதனையும் செட் செய்திடலாம். பெர்சனல் தேடல்கள், தடை செய்யப்பட்ட தள முகவரிகள் குறித்தும் செட் செய்திடலாம்.

இது போல தேடல்களை கூகுள் கணக்கில் சேவ் செய்து பின்னர் மீண்டும் விரும்புகையில் கிடைக்கும்படி செய்திட வேண்டும் என்பது, கூகுள் வசதிகளைப் பயன்படுத்தும் வாடிக்கையாளர்களின் வெகு நாள் விருப்பமாகும். இந்த விருப்பத்தினை கூகுள் தளம் நிறைவேற்றியுள்ளது.